انطلق اون لاين

  يعتبر تعنيف الاطفال واحد من اكثر الظواهر الطبيعية بمجتمعنا الي عشناها بطفولتنا والي بعضنا يمارسها هو وكبير، وهلشي ممكن يكون نابع من فكرة اعتقادنا بهلشي لمصلحة الطفل واحنا دنعلمه الصح بهلطريقة، لكن الحقيقة مختلفة عن هلشي كللش.  تعرف منظمة الصحة العالمية WHO  تعنيف الاطفال " بانه جميع اشكال العنف ضد الاشخاص الي تقل اعمارهم عن 18 سنة".  وهلعنف ممكن  يكون :  الجسدي  مثل الضرب  النفسي او العاطفي مثل التنمر والتهديد والتخويف. الجنسي مثل التحرش سواء لفظي و الجسدي.  حسب مسح سوته اليونسيف 2011 لكت ان 80% من الاطفال بالعراق يعيشون التعنيف بالبيت او المدرسة.  وهلشي مو طبيعي ابد فالدراسات اثبتت ان تعنيف الاطفال والاهمال يتسبب بتغيرات دائمية ببنية الدماغ البشري. وهاي التغيرات كبيرة لدرجه انها تسبب للطفل من يكبر مشاكل نفسية وعاطفية مثل اضطرابات نفسية او حتى سلوكيات عنيفة.  تغير تعنيف الاطفال لبنية الدماغ  دكتور مارتن من مستشفى "Mclean" وزملاءه من جامعة هارفارد كلية الطب ونورث ايسترون استخدمو تقنية التصوير بالرنين المغناطيسي MRI  لتحدي...